بعض لوگ یہ خیال کرتے ہیں کہ عقیدہ تقدیر کا تقاضا یہ ہے کہ انسان مجبورِ محض ہے۔ وہ اپنے کام کرنے کا اختیار نہیں رکھتا۔ یہ ایک بات غلط فہمی پر مبنی ہے۔ بلکہ یہ خیال تقدیر کا صحیح معنی نہ سمجھنے کی وجہ سے پیدا ہوتا ہے۔

عقیدہ تقدیر کا مطلب یہ ہے کہ جو کچھ دنیا میں ہونا ہے وہ اللہ تعالیٰ کے علم میں ہے۔ لیکن علم میں ہونے سے کسی انسان کا مجبور ہونا لازم نہیں آتا۔

اس کو ایک مثال سے سمجھتے ہیں کہ ایک استاد صاحب اپنے ایک نکمہ شاگرد کو کہتے ہیں کہ تم امتحان میں فیل ہو جاؤ گے (کیونکہ ان کو معلوم ہے کہ اس شاگرد نے محنت نہیں کی)۔ اب جب شاگرد فیل ہوا تو وہ استاد صاحب سے یہ نہیں کہہ سکتا کہ میں اس لیے فیل ہوا کیونکہ آپ نے کہا تھا۔ اگر وہ یہ بات کرے گا تو اسے بیوقوف سمجھا جائے گا۔ یہ فیل ہونا اس کی اپنی کمزوری کی وجہ سے تھا۔

دوسری وجہ ایک بالکل واضح بات یہ ہے کہ دنیا میں کوئی بھی انسان اپنے آپ کو مجبورِ محض نہیں سمجھتا۔ بلکہ جب بھی کوئی انسان خود کوئی کام کرتا ہے تو وہ یہی کہتا ہے کہ میں نے خود کیا۔